難得入到大澳,當然要一嘗大澳風味的大排檔!
未到食飯時間已經見到人龍排隊,本店就係轉彎第一間,分店就係斜對面。
分店環境會闊落少少~如果想坐得舒服啲可以選擇坐分店呢!
而且分店最入嘅位置有一隻船仔,客人可以選擇坐係船上面食飯~幾有特色架!
見到每台客基本都有叫呢個招牌名菜,侍應哥哥話即蒸要等20分鐘左右,一場來到,當然唔可以錯過啦!
米飯有淡淡荷葉清香,配上蝦乾、豬頸肉、白飯魚、魷魚等,用料十足,蝦醬鹹香味重,非常之有大澳的風味!而且分量十足,一籠飯相信三個人填飽肚絕對無問題!呢個絕對係一再回味嘅美食,出翻市區好難食到。十級推介呀!
墨魚餅大件夾彈牙,食得出粒粒墨魚,不過可能籠仔飯實在太搶戲,相比之下略顯平凡,未有太驚艷的感覺。
食落無咩蝦膏味,可能咁啱呢碟豬腩肉比較肥,炸得稍微乾身咗,口感好硬,食咗兩舊就放棄了。
其實餐廳四大名菜仲有馳名燒鵝,可惜我地慢隔離台一個馬鼻!賣曬了~
侍應姐姐話下次離想食可以提早打電話離預留!咁就一定唔會錯過出名嘅燒鵝啦!
全新飲食網上平台Co-Eating Space為一眾優質食品供應商提供銷售及資訊平台,配以一站式推廣活動,促進業務發展。
We provide the sharing food store and online platform (B2B and B2C) to create the channel between fine dine food or beverage supplier and event organiser or party venues, such as wedding parties, company parties, house parties or operate events.