上環歐陸式打卡餐廳 品嘗超正西班牙菜 逛市集於一身

每年12月, 我都會飛去轉外國, 同老公慶祝生日, 但今年因為疫情關係,  唯有系香港搵D 特色餐廳, 就當自己飛左去外國, 同時比個surprise 老公.

一向都知中上環一帶有好多餐廳小店, 食物同裝修都令你又如飛左去外國般, 今次我選擇左一間位於太平山街的餐廳, 店名為”HAPI” – it’s all about happiness,

看餐廳外貌, 紅磚牆加高樓底, 已經以為自己去左歐洲, 一踏入店內, 原來餐廳仲有衣服, 家品同小型超市可以任你盡情買買買, 仲有好多影相打卡位不容錯過

餐廳採用自助式, 先付錢, 後上菜, 雖然選擇不算多, 但以午餐來說, 亦足夠.

頭盤選了扒八爪魚配西爪蕃茄沙律及青蘋果紅菜頭沙律配核桃菲達芝士,

食物一端上來, 單是顏值已有80分, 很有心思的做 food presentation,  比五星級酒店的還要細緻, 再試一口, 味道與賣相同樣的好, 八爪魚可以做到軟熟而有咬口, 全部新鮮生果很鮮甜, 配上沙律醬汁再將食物鮮味再提升一個層次,

主餐選了西班牙海鮮燉飯及龍蝦肉醬蕃茄醬貝殼義大利面. 龍蝦肉醬味道很濃, 亦吃到啖啖龍蝦肉, 如果可以做多點醬汁, 令貝殼粉可以掛多點汁就更perfect,

而西班牙海鮮燉飯,  飯的質地似risotto, 醬汁足夠, 每啖飯入口都有濃濃鮮蝦味, 最特別系配料有款特別小蝦乾, 有點似日本櫻花蝦, 味道很特別, 一試就愛上

最後, 當然系要食甜品 – 金黃蘋果撻, 原來呢個先系直正的驚喜, 可以將蘋果切成薄片, 然後砌成一朶玫瑰花, 真系冇得輸, 甜度適中, 曲奇餅批很鬆化, 但又不會太濃的牛油味, 真心讚, sweet ending.