【CHILL營廚房】東灣上的普寧大眼雞

東灣為西貢大浪四灣之一。沙灘面積雖較細小，但灘後一片平坦優良的草坪吸引不少人士前來野營，但一到假期，東灣會變了東灣村，非常多人黎紮營，建議閒日去有風景好一點！

點去？

方法一：選擇行入去由西灣亭>吹筒坳>西灣>鹹田灣>大灣>東灣，連裝備大概行3小時左右

方法二：坐船入由西頁碼頭上船 ＞ 東灣／咸田灣 （要視乎天氣）$150／位，咸田灣要行多1小時左右入東灣

第一次無柴火達人同行，仲要行得遠，所以只係拎左碳爐，整我最愛的大眼雞！係街市買定大概$20-30條，一條去皮、一條連皮，兩款煮法！另外準備蒜蓉金菇、串燒、及煎餃子開餐。

【碳焗薑蔥大眼雞】

材料做法：去皮大眼雞，將約8片薑分別放入魚肚及底面，加幾條蔥，用碩紙包兩層就可，不用加任何調味。等碳燒到紅色可以放入魚魚，底面燒約10分鐘就可，食時可以點『普寧醬』，夠哂味道！

【鹽焗大眼雞】

材料做法：連皮大眼雞，將約8片薑分別放入魚肚及底面，用碩紙包兩層就可，不用加任何調味。等碳燒到紅色可以放入魚魚，底面燒約12分鐘就可！

【神奇碟碟煎餃子】

重點推介： 煎PAN（必買）煎咩都唔痴底，又可以做碟靚靚裝飾！不過有D重量，男生會較適用，可以配合蜘蛛爐，非常方便煎餃子水都唔需要落，煎3分鐘已經金黃色皮，反一反再1分鐘，已經熱辣辣脆卜卜！勁JUICY！