小弟一向喜歡深入香港各區尋幽探秘。簡單黎講,獵奇就係日常工餘最大樂趣。
近日走入土瓜灣 —- 一個明明喺市區但相對陌生既地方,可以話係市區盲點
初來報到,當然要知附近有乜好西食啦﹗
話說太郎有獨特癖好,食大陸菜系一定要揀啲裝修唔似本地,最好係招牌「嗰隻」紅底+「嗰隻」黃字既 (你懂的),樓面伙計講嘢一定唔可以無口音 (啱呀你無睇錯 就係要佢有口音)
於是喺一條最多食肆既街搵到呢間——
不用多說 — 向同伴講聲﹕ GO!
店入面全部都係大叔大媽,疑似附近按完摩食宵夜。
一輪勞動過後,吃數味滋味小菜,飲兩支扭蓋紅酒,閒話家常繼而深情對話,簡單既一餐,像極了愛情~ (店名無改錯)
唔多講,落單點左幾款輕鬆無伏餸菜,寫完單阿姐講左句﹕全部小辣係嘛﹗﹖
一聽就知無入錯店,佢意思大概係﹕睇你地個local樣都係唔食得辣
可以講,5味菜都辣得好有水準,最難得係5種各自有唔同辣味,食開辣嘢既人應該知道整得好辣唔難,碟碟唔同辣味先係難得~
個生菜包咸度係完全對得上店名,份量亦都建議4人以上先好叫……
好喇﹗ 重點推介:
好喇﹗大伏介紹返~~~ 竟然係 抄手
估唔到最穩陣既抄手,肉餡有陣劣質沐浴露味,無錯﹗ 就係超市貨架最底廿蚊有3L既 x寶﹗ 睇黎班阿姨處理肉類有佢地自己一套呀~~
整體黎講係正既,可翻食~~ 菜單仲有辣雞煲羊煲酸菜水煮系列,乜X都有﹗
菜式多數都係偏辣,完全唔食辣既大可以坐底飲王老吉 (唔係加多寶呀 親),哈哈﹗
—下回待續—
全新飲食網上平台Co-Eating Space為一眾優質食品供應商提供銷售及資訊平台,配以一站式推廣活動,促進業務發展。
We provide the sharing food store and online platform (B2B and B2C) to create the channel between fine dine food or beverage supplier and event organiser or party venues, such as wedding parties, company parties, house parties or operate events.