[太郎傳] 西遊記-潮人潮地嘆潮菜

說說喜愛舊區遊蘯既太郎今次同友人返到長大既地方—西環 當然要講一講一啲外面食唔到既味道。

晚飯突然回味食過最好食既蠔餅 馬上來到西環一間潮式打冷。

太郎食嘢除左要食味道 仲鍾意性價比高既食物

無咩既 食完一餐大餐要綁住褲頭捱麥記 就無謂啦~~ 啱唔啱先

本身對於打冷無乜特別好感

尤其滷水系列既性價比極低﹕幾片鵝+大量紅腸尤魚豆腐等下欄東西當貢品食 不禁令人懷疑潮洲人有無味覺

重點放最前

大大底蠔餅 每底有兩隻手指咁厚 蠔大小剛好係蠔餅可接受既最大size

再大隻啲就會唔能夠溶入粉漿 餅身易斷開 而且容易製作期間穿肚造成粉漿變黑

話說所謂蠔餅其實可以細分幾類，圖中令太郎念念不忘既可以歸入「蠔烙」

主要係炸粉 鴨蛋(有講法係鴨蛋香啲)  同蠔 加上大量芫荽 蔥 一嘢扔落油炸成不規則狀

另一種可以叫做蠔(蛋)餅

睇唔睇到個分別 佢有啲似台灣既「柯仔煎」

材料係差唔多 食落口感大有不同

前菜有海蜇頭 貪佢酸酸地口感好

海蜇頭有別於一般海蜇絲 簡單講就係

吸汁力 – 2點

口感度 + 3點

整整一大塊咁 咬落卜卜聲 爽呀

登登登櫈! 無錯就係頭先講 性價比好低既豆腐~~

無計啦 椒鹽豆腐 外脆內軟 又夠味 送啤酒一流呀

金銀蛋菠菜 = 咸蛋皮蛋湯住菠菜

正常發揮 只係太郎太耐無食菜突然想食

二人份量 食到捧住個肚走

主恩充滿左肚腹 進入左心靈 阿們 (見餐牌)

*文章標題來自德記本身口號(見餐牌)

德記本身仲有好多馳名菜式例如: 糯米釀大腸、蠔粥、胡椒豬肚湯 等等

一次過都好難試哂 大家可以去品嚐下主恩的滋味

德記潮洲菜館

地址: 西環石塘咀卑路乍街3號G益豐大廈地下

補上西環毛孩一幅 不用謝